Dagaalkii Kabaha

-



Labada shirkadood ee ADIDAS iyo PUMA oo ka mid ah shirkadaha adduunka ugu caansan ayaa waxa kala aas'aasay laba nin oo walaalo ah oo lakala odhan jiray Adolf Dassler iyo Rudolf Dassler. Waxa ay ka dhasheen qoys faqiir ah oo ka soo jeeda Jarmalka. Aabbahood waxa uu ka shaqayn jiray warshad kabaha samaysa hooyadoodna dharka ayay maydhi jirtay. Sidoo kale qoyskoodu waxa ay guriga ku samayn jireen dacas si ay uga soo saaraan quuto daruurigooda. 1920-kii Adolf iyo Rudolf waxa ay furteen shirkad yar oo soo saarta kabaha ciyaaraha taas oo ay u bixiyeen (Dassler Brothers Sport Shoe Company).


Adolf Dassler waxa uu ahaa farsamayaqaan ku fiican nashqadaynta kabaha. Walaalkii Rudolf-na waxa uu ahaa suuq geeye aan laga daba hadal. Muddo markii ay shaqaynayeen waxa u suurtogashay in kabihii shirkadooda uu xidho kuna ciyaaro ciyaaryahankii waynaa ee Jesse Owens. Ciyaaryahankii kabahooda ku ciyaaray waxa uu sannadkii 1936-kii ku guulaystay afar biladood oo dahab ah, tani waxay siisay shirkadii walaalaha magac wayn. Guushoodii kadib waxa xumaaday xidhiidhkii walaalaha taasoo ugu danbayn keentay in ay shirkadii ay wada aas'aaseen ku kala baxaan. 

Dagaalkii labaad ee adduunka ka dib labadii nin ee walaalaha ahaa waxa ay kala furteen laba shirkadood. Adolf Dassler waxa uu furtay Adidas (isagoo u soo gaabiyay magaciisa AD iyo ka qoyskiisa DAS). Rudolf ayaa isna shirkad kale oo kabo furtay isagoo u bixiyay RUDA (Isna sidoo kale magaciisa iyo ka qoyskiisa ayuu u soo gaabiyay). Rudolf wuxuu markii danbe u bixiyay shirkadiisii PUMA. 

Labadii shirkadoodba si isku mid ah ayay u hanaqaadeen waxaanay shaqaalaysiiyeen shaqaale aad u tiro badan. Dadyowga degganaa magaalada ay labada shirkadood ku yaaleen Herzogenaurach, waxay ahaayeen uun laba mid: qaar u shaqeeya ADISAS iyo qaar u shaqeeya PUMA. 

Adolf iyo Rudolf-ba waxa ay dhinteen 1970-nadii iyagoo oo aan weli heshiinin oo col ah. Dhimashadoodii kadib shirkadihii way jireen illaa maantana waa laba shirkadood oo adduunka magac ku leh. Indho ganacsi marka lagu qiimeeyo waxa guulaysatay shirkadda ADIDAS iyada oo ay u shaqeeyaan tiro dhan 39,000 oo qof halka PUMA ay uga shaqeeyaan 9,000 oo qof. 




Tixraac: https://www.youtube.com/watch?v=HCzB7ou6Rig


Comments

Post a Comment

Popular posts from this blog

Jacaylkii Dhallaanimo: Indhodeeq

-
Image
  Kulankeenu kedis buu ahaa. Markii ugu horraysay ee aan ku arkay, Isguulka in aad ku cusbayd baan u qaatay waayo hore kuuguma arag, balse saaxiibadday ayaa ii sheegtay in aad dhawr biloodba dhiganaysay. Dugsigga beddel baad ku timid. Isguul Boorama ku yaalla ayaa lagaa soo wareejiyay. Ma garanayn sababta keentay in laguu soo beddelo isguulkan. Ma xaafaddiina ayaa Hargaysa u soo guurtay? Ma adiga ayaa xaafad kale oo Hargaysa ku taalla yimid? Mooyi.   Cid badan kamaad garanayn dugsiga oo badanka keligaa baad ahayd. Kaligaa baa baska raaci jiray, kaligaa baa nususaacayn jiray, kaligaa baana meelahaa marmari jiray. Kelinimadaasi malaha waaba waxa isoo jiitay ee ishaydu kuu qabatay markiiba. Inkasta oo aan kelinimada jeclaa haddana waan asxaab badnaa berigaas. Inkasta oo aan jeclaa in aan mar uun helo jaanis aan kugula hadlo haddana iimay suurto gelin.  Da’ ahaan aad baad iiga waynayd. Fasal ahaanna waad iga sarraysay, haddana ma garanayo sababta aan aad kuugu xiisaynayay, keliya waxa aan
SII AKHRI »

Bella Ciao: astaanta iska caabbinta!

-
Image
Heesta Bella Ciao waa hees caan ka ah dunida isla markaana leh sooyaal fac wayn. Waxa heestan dadyowga adduunku adeegsadaan badanka xiiliyada iska caabbinta, dibad baxyada, xaq u dirirka iyo xorriyad raadinta.   Heestan oo ereyadeedu taliyaani yihiin waxay markii ugu horraysay soo baxday dhammaadka qarnigii 19-naad xilligaas oo ay qaadi jireenka shaqaalihii beeraha bariiska Koonfurta Taliyaaniga oo ka cabbanayay xaaladaha shaqo ee adag ee soo waajaha. Xilligii Kacaankii Taliya aniga, heestii Bella Ciao oo la casriyeeyay waxa ay astaan u noqotay kacaan diidka.   Bella Ciao waxa loo turjumay afaf badan oo  Carabida iyo Isbaanishku ka mid yahay. Heesta Bella Ciao waxay noqotay astaanta dibadbaxyada, iska caabinta iyo xaq u dirirka waxaana la arkaa dadyow badan oo ka soo kala jeeda waddamo badan oo isla jiibinaya xilliyada ay dibadbaxyada samaynayaan. Heesta Bella Ciao waxa kale oo ay dad badani ku barteen musalsalka Isbaanishka ah ee caanka ‘Lacasa Da Papel’ ama 'Mone
SII AKHRI »

Waqti U Samee!

-
Image
Buuggan oo la yidhaa waqti u samee ama waqti u hel (Make Time), waa buug faaqidaya sida ugu habboon ee uu qofku waqtigiisa uga faa’idaysan karo. Waxa qoray laba qoraa oo la kala yidhaa Jake Knapp iyo John Zeratsky. Jake iyo Johnba waxa ay muddo badan ka shaqaynayeen kana hawl galayeen shirkadaha Google iyo Youtube. Waxa aad u cajiib badan in nimanka buuggan qoray oo sida ay sheegeen waqti badan galiyay sidii ay u fahmi lahaayeen qaabka ugu habboon ee qofku waqtigiisa u maamuli karo in ay haddana shaqadoodu tahay waxyaabaha ugu badan ee qofka waqtiga ka lumiya (Nimanka Google iyo Youtube ka shaqeeya ee subax kasta u soo shaqo taga sidii aad ugu xabagoobi lahayd Google iyo Youtube ayaa haddana kuu sheegaya sidii aad uga fogaan waxyaabaha ay ka mid yihiin isla waxa ay ka shaqeeyaan!) Sida caadiga ah qofka laba awoodood ayaa u xoog sheegta iskuna hirdiya waqtigiisa ayay yidhaahdeen. Midi waa ta shaqada iyo nololmaalmeedkiisa caadiga ah. Midina waa waqti dilayaasha oo uu ugu horreeyo adeegs
SII AKHRI »