Posts

Muhaasi

-
Image
  Safarada sheeko, sawir iyo waayo aragnimo ayuunbaa ka hadha e horta miyaan idiinka sheekeeyay berri dhexdaas dhacdadii naga raacday safar aanu ku tagnay meel tuulo ah. Waxa ay ahayd Oktoobar, 2019-kii. Waxa aanu joognay magaalada Kigaali ee caasimadda dalka Ruwaandha. Waxa aanu u tagnay in aanu ka qabygalno shir iyo tababar. Shirku waxa uu ka dhacayay Kigali. Tababarkuna tuullo la yidhaa Muhazi oo qiyaas ahaan dhawr iyo lixdan kiiloomitir u jirta Kigaali. Siddeeddii subaxnimo ayay ballantu ahayd in uu gaadhigu noo yimaaddo. Qiyaas ahaan tuulada waxa loo soconayaa saacad iyo afartan daqiiqo, adigu laba saacadoodba dheh. Waxa aan ka mid ahaa ka qaybgalayaasha, sidoo kale waxa aan la shaqaynayay qabanqaabiyayaasha tababarka, sidaas darteed qorshuhu waxa uu ahaa in aanu tobanka subaxnimo ka hor joogno goobta si aanu u sii diyaarino wixii loo baahan yahay, inta aanay ka qaybgalayaasha kale imanin goobta (kuwaas oo ku soo beegnaa laba iyo tobanka). Saddex qof oo aan ku jiro, waxaa na qaada
Post a Comment
SII AKHRI »

Jacaylkii Dhallaanimo: Indhodeeq

-
Image
  Kulankeenu kedis buu ahaa. Markii ugu horraysay ee aan ku arkay, Isguulka in aad ku cusbayd baan u qaatay waayo hore kuuguma arag, balse saaxiibadday ayaa ii sheegtay in aad dhawr biloodba dhiganaysay. Dugsigga beddel baad ku timid. Isguul Boorama ku yaalla ayaa lagaa soo wareejiyay. Ma garanayn sababta keentay in laguu soo beddelo isguulkan. Ma xaafaddiina ayaa Hargaysa u soo guurtay? Ma adiga ayaa xaafad kale oo Hargaysa ku taalla yimid? Mooyi.   Cid badan kamaad garanayn dugsiga oo badanka keligaa baad ahayd. Kaligaa baa baska raaci jiray, kaligaa baa nususaacayn jiray, kaligaa baana meelahaa marmari jiray. Kelinimadaasi malaha waaba waxa isoo jiitay ee ishaydu kuu qabatay markiiba. Inkasta oo aan kelinimada jeclaa haddana waan asxaab badnaa berigaas. Inkasta oo aan jeclaa in aan mar uun helo jaanis aan kugula hadlo haddana iimay suurto gelin.  Da’ ahaan aad baad iiga waynayd. Fasal ahaanna waad iga sarraysay, haddana ma garanayo sababta aan aad kuugu xiisaynayay, keliya waxa aan
Post a Comment
SII AKHRI »

Geedkii Ballanta

-
Image
Waa duhur. Xilligan ayay ballantoodu ahayd. Hadda ayay soo istaagtay geedka hoostiisa. Waa jabaqla’. Geedka hoostiisa waxa aad mooddaa meel laga guuray. Oo ma awalbaa la degganaa? Mooyi, balse si bay u meeshu meel laga hayaamay ugu eegtahay. Laba dhagax oo aad mooddo in ay meesha ku cidloobeen muddo badan ayaa is garab yaalla. Dhagaxa mid baa weyn oo u eeg dhagax ay had iyo jeer dadka geedka u soo hadh doontaa ku fadhiistaan. Waa dhagax lagu fadhiisan karo. Dhagaxa kale wuu yaryahay. Oogadiisa dushuna uma eka mid lagu fadhiisan karo waayo iskuma sinna. Waxa aad mooddaa isagana in ujeedadiisu tahay in uu u wehel yeelo kolba ciddii dhagaxa wayn ee agtiisa yaalla soo fadhiisata. Waxa uu u eegyahay dhagax wax badan og. Waxa suuro gal ah in dhagaxani uu la kulmay dadyow badan oo jidka markayay ama geedka ku soo leexday. Waxa xaqiiqo ah in uu sheeko badan dhagaystay waayo badanna u soo joogay. Alla muxuu dhacdooyin badan goob joog u ahaa! Cadceeddu aad bay u kulushahay marka laga reebo geedk
Post a Comment
SII AKHRI »

Urugo

-
Image
      Waa casar gaaban, hadda ayaan indhaha kala qaaday. Telefankaygii oo saarnaa miis yar oo sariirtayda garabkeeda yaallay ayaan tiigsaday, mise ma yaallo. Inta aan soo hinqaday ayaan eeg eegay. Miiska dushiisa, agtiisa iyo dhinacyadiisa. Ma yaallo. Maxaa qaatay tallow? Ma intaan hurday baa la iga dul qaatay? Yaa iga dul qaadan ee ila joogaba? Sariirta ayaan soo kor fadhiistay. Waxa aan xasuustay telefanku yaallo qolka fadhiga.  Waan ilawsanaa e show dabka ayaan galiyay intii aanan soo jiifsan. Aniga oo cagaha jiidaya ayaan usoo kuurkuursaday dhinacaa iyo qolka fadhiga. Kursiga kelida ah ee telefishanka ag yaalla ayaan ku fadhiistay kadib tiigsaday telefankii oo miiska telefishanka ag yaallay. Kursigani waxa uu ahaa ka uu ugu jecelyahay qolka fadhiga ka fadhiisigiisa, waayo waxa uu u dhow yahay telefishanka. Sidoo kale waxa uu u dhaw yahay daaqadda qolka. Kursigani waxa uu ahaa kursiga uu ugu jecelyahay qolka fadhiga. Inta uu guriga joogo waqtiga ugu badan halkan buu ku qaadan jiray.
Post a Comment
SII AKHRI »

Elon Musk: Mucjisada Qarniga!

-
Image
Elon Musk oo waqti xaadirka ah ninka ugu hantida badan adduunka ayaa ah muddooyinkan danbe noqday nin aad loo hadal hayo. Sheekadiisa ayaa laga yaabaa in dadyow badan siyaabo kala duwan u maqleen waayo waa nin koofiyado badan. Dad badan oo aan ka mid ahay shirkadiisa baabuurta ee Tesla ayay ku barteen. Dadka qaar shirkadiisa kale ee SpaceX ayay uga garan ogyihiin halka dadyowga qaarna ay berri dhawayd oo uu saamayn wayn ku sameeyay lacagaha loo yaqaan ‘Bitcoin-ka’ ay magaciisa ku baraarugeen. Waxa kale oo magaciisa aad loo maqlay isla sannadkan bilawgiisii markii uu kaalinta koowaad ka tuuray Jeff Bezos oo muddo badan ahaa qofka ugu hantida badan adduunka. Si kastaba ha ahaatee, ninkan dhalasho ahaanta ka soo jeeda Afrika dunidii waa uu kaga qaylisiiyay. Elon sanadkii hore ee 2020-ka bilawgiisii waxa uu ku jiray kaalinta 35-naad ee liiska dadka ugu hantida badan dunida. Sannadkaa gudihiisa hantidiisu waxaa ku kordhay $150 bilyan kadib markii uu yeeshay saami boqolkiiba 20% ah shirkadii
Post a Comment
SII AKHRI »

Waqti U Samee!

-
Image
Buuggan oo la yidhaa waqti u samee ama waqti u hel (Make Time), waa buug faaqidaya sida ugu habboon ee uu qofku waqtigiisa uga faa’idaysan karo. Waxa qoray laba qoraa oo la kala yidhaa Jake Knapp iyo John Zeratsky. Jake iyo Johnba waxa ay muddo badan ka shaqaynayeen kana hawl galayeen shirkadaha Google iyo Youtube. Waxa aad u cajiib badan in nimanka buuggan qoray oo sida ay sheegeen waqti badan galiyay sidii ay u fahmi lahaayeen qaabka ugu habboon ee qofku waqtigiisa u maamuli karo in ay haddana shaqadoodu tahay waxyaabaha ugu badan ee qofka waqtiga ka lumiya (Nimanka Google iyo Youtube ka shaqeeya ee subax kasta u soo shaqo taga sidii aad ugu xabagoobi lahayd Google iyo Youtube ayaa haddana kuu sheegaya sidii aad uga fogaan waxyaabaha ay ka mid yihiin isla waxa ay ka shaqeeyaan!) Sida caadiga ah qofka laba awoodood ayaa u xoog sheegta iskuna hirdiya waqtigiisa ayay yidhaahdeen. Midi waa ta shaqada iyo nololmaalmeedkiisa caadiga ah. Midina waa waqti dilayaasha oo uu ugu horreeyo adeegs
1 comment
SII AKHRI »

Bella Ciao: astaanta iska caabbinta!

-
Image
Heesta Bella Ciao waa hees caan ka ah dunida isla markaana leh sooyaal fac wayn. Waxa heestan dadyowga adduunku adeegsadaan badanka xiiliyada iska caabbinta, dibad baxyada, xaq u dirirka iyo xorriyad raadinta.   Heestan oo ereyadeedu taliyaani yihiin waxay markii ugu horraysay soo baxday dhammaadka qarnigii 19-naad xilligaas oo ay qaadi jireenka shaqaalihii beeraha bariiska Koonfurta Taliyaaniga oo ka cabbanayay xaaladaha shaqo ee adag ee soo waajaha. Xilligii Kacaankii Taliya aniga, heestii Bella Ciao oo la casriyeeyay waxa ay astaan u noqotay kacaan diidka.   Bella Ciao waxa loo turjumay afaf badan oo  Carabida iyo Isbaanishku ka mid yahay. Heesta Bella Ciao waxay noqotay astaanta dibadbaxyada, iska caabinta iyo xaq u dirirka waxaana la arkaa dadyow badan oo ka soo kala jeeda waddamo badan oo isla jiibinaya xilliyada ay dibadbaxyada samaynayaan. Heesta Bella Ciao waxa kale oo ay dad badani ku barteen musalsalka Isbaanishka ah ee caanka ‘Lacasa Da Papel’ ama 'Mone
3 comments
SII AKHRI »